Qəhvə həvəskarları sağlamlıqlarını qorumaq üçün bir neçə məqama diqqət etməlidirlər. Foodinfo.az xəbər verir ki, ilk növbədə, gündəlik qəbul edilən kofein miqdarını nəzarətdə saxlamaq vacibdir. Mütəxəssislər gündə 3-4 fincandan çox qəhvə içməyi tövsiyə etmir.
Həddindən artıq qəhvə ürək döyüntülərinin artmasına, yuxu problemlərinə və əsəbilik kimi hallara səbəb ola bilər.
Qəhvənin tərkibində şəkər və süni əlavələrin miqdarına da diqqət yetirmək lazımdır. Daha təbii və sadə seçimlərə üstünlük verilməlidir.
Həmçinin boş mədəyə qəhvə içmək mədə turşusunu artıra bilər, buna görə onu qidalanmadan sonra istehlak etmək tövsiyə olunur.
Keyfiyyətli qəhvə dənələri seçmək də həm ləzzət, həm də sağlamlıq üçün önəmlidir.
