![](/uploads/photos/original/2024/5/7756063406634696b3a1ed.jpg)
ABŞ-ın Delaver Universitetinin alimləri qan təzyiqi və xolesterinin səviyyəsini aşağı salan, insanları ürək-damar xəstəliklərindən qoruyan polifenollarla zəngin şirənin adını çəkiblər. Söhbət albalı şirəsindən gedir.
65-80 yaş arası insanların iştirak etdiyi araşdırma nəticəsində məlum olub ki, bu içkinin içilməsi ciddi xəstəliklərə səbəb olan iltihab və oksidləşdirici stress səviyyəsini azaldır. Bu, onların CRP (C-reaktiv zülal) və MDA (malondialdehid) səviyyələrinin azalması ilə sübut olunub.
Gündə iki dəfə turş albalı suyu içmək cəmi 12 həftə ərzində xolesterini 11%, CRP-ni 25% azaldıb. MDA səviyyələri 3% azalıb. O, həmçinin DNT təmirində iştirak edən OGG1 geninin aktivliyini artırıb.