Çörək məmulatları insanın əsas qida məhsullarından biridir.
Müxtəlif ölkələrdə çörəyin adambaşına sutkalıq istehlak norması 150 qramdan 500 qrama qədər təşkil edir.
Çörəyin tərkibində zülallar, karbohidratlar, vitaminlər, mineral maddələr, yeyinti lifləri kimi insan orqanizmi üçün vacib olan bir çox qida maddələri vardır. İnsan çörəyi istehlak edərək karbohidratlara olan tələbatının təxminən yarısını, zülallara olan tələbatının üçdə birini ödəyir.
Çovdar, yaxud kəpəkli buğda unundan hazırlanan çörəklər isə yeyinti liflərinə olan tələbatı demək olar ki, tam şəkildə qarşılayır.
Çörək məmulatlarının istehsal prosesi xəmirin hazırlanması, bölünməsi, bişirilməsi və çörəyin paketlənərək ticarət şəbəkəsinə göndərilməsi mərhələlərini əhatə edir.
PhotoStock.az-ın əməkdaşları müxtəlif növ çörək məhsullarının hazırlandığı un məmulatları sexindən fotoreportaj hazırlayıblar. Foodinfo.az həmin fotoları təqdim edir.
