İydə tozu ilə süd qarışımı həm qidalı, həm də sağlamlıq üçün faydalı bir içkidir. Foodinfo.az xəbər verir ki, iydə tozu vitaminlər, minerallar və antioksidantlarla zəngindir, bu isə immunitet sistemini gücləndirir və bədəni enerji ilə təmin edir.
Süd isə kalsium və proteinlə zəngindir, sümükləri möhkəmləndirir və əzələ toxumasını dəstəkləyir.
Bu qarışım həzm sistemini yaxşılaşdırır, bağırsaqlardakı iltihabı azaldır və mədə problemlərinin qarşısını almağa kömək edir.
Həmçinin iydə tozunun sakitləşdirici təsiri vardır. O, stressi azaldır, yuxunu yaxşılaşdırır.
Süd ilə birgə istifadəsi bədənin ümumi sağlamlığını dəstəkləyir, yorğunluğu aradan qaldırır və toxluğu təmin edir.
Bu qarışım tərkibindəki təbii şəkər və lif sayəsində enerjini artırır. İçkini hazırlamaq üçün isti südə 1-2 çay qaşığı iydə tozu əlavə edib qarışdırmaq kifayətdir.
