Bakının Nərimanov rayonunda yanğın baş verib. Foodinfo.az-ın məlumatına görə, APA xəbər verir ki, hadisə Heydər Əliyev prospektində qeydə alınıb. Böyük bir ərazidə yerləşən meyvə-tərəvəz bazasında başlayan yanğın əvvəlcə tüstü ilə müşahidə edilib. Daha sonra yanğının miqyası genişlənib. Əraziyə Fövqəladə Hallar Nazirliyinin Dövlət Yanğından Mühafizə Xidmətinə məxsus yeddi texnika və xeyli sayda canlı briqada cəlb edilib. Yanğın söndürülüb və hazırda soyutma işləri aparılır. Alovun digər ərazilərə keçməsinin qarşısı alınıb.