Badımcan, kabaq kürüsündən də faydalı olan balqabaq kürüsü A, C, E, D, P, B vitaminləri ilə zəngindir. Eləcə də ftor, maqniy, kalsium, sink, marqans, yodla boldur.
Medicina.az qışda ailə üzvlərinin, xüsusən uşaqların çox dərdinə dərman olacaq, həzmi yaxşılaşdıran, mədəaltı vəzini dirildən, immuniteti yüksəldən, mədə-bağırsağı yumşaldan balqabaq kürüsünün reseptini təqdim edir:
Ərzaqlar:
Balqabaq – 800 qr
Kök – 2 ədəd
Sarımsaq – 3 diş
Soğan -1 ədəd
Tomat pasta – 3 x. q
Bitki yağı – 5 x.q
Sirkə -1 x.q
Duz, şəkər tozu – zövqə görə
Hazırlanması:
Balqabaq soyulur, tumları çıxarılır, lət hissəsi xırda kub formasında doğranılır.
Sarımsaq presdən əzilir, soğan xırda doğranılır. Kök sürtgəcdən keçirilir. Bunlar hamısı tavada 3 xörək qaşığı yağda qızardılır. Əvvəl soğan sarımsaq, daha sonra kök burda bişirilir.
Bunlar hazır olana yaxın balqabaq əlavə edilib, üzərinə stəkanın dibində su tökülüb, qapağı örtülərək, zəif odda 30 dəqiqə bişirilir.
Sonra tomat pastası, şəkər, duz əlavə edilib, daha 7 dəqiqə bişirilir.
Odun üzərindən götürüb, soyudulur, qalan 2 x.q yağ əlavə edilir, qarışdırılır və kürü kimi kütlə alınması üçün blenderdən keçirilir. Sterilizə olunmuş bankalara bağlanılır. Sərin yerdə saxlanılır.
Son xəbərlər
- Dietoloq arıqlamaq üçün ən yaxşı tərəvəzi açıqlayıb
- Dietoloq uşaqlara verilməməsi lazım olan iki ən pis qidanın adını çəkib
- Tez arıqlamaq üçün ən təsirli məsləhətlər
- Gündə kifayət qədər su içdiyinizi necə müəyyən etmək olar?
- Qaraciyər xərçənginə səbəb ola biləcək qidalar
- Qəhvənin həddindən artıq dozasının əsas əlaməti