Amerikanın Florida ştatının Pembrok Pins şəhərindən olan 16 yaşlı Onya Li Qolaytiti yalın əlləri ilə qonşusunun həyətinə daxil olan üç metrlik pitonu tutub. Foodinfo.az xəbər verir ki, bu barədə WSVN məlumat yayıb.
Onya ilan haqqında qonşunun yerli söhbətdə buraxdığı mesajdan öyrənib. “Mənim həyətimdə nəhəng ilan var. Əgər sənindirsə, götür. Əgər sənin deyilsə, onda hər halda, lütfən, onu götür” deyə yazılmışdı. Qız altı yaşından ilanları sevirdi, ona görə də dərhal kömək etmək qərarına gəlir.
Onya ilanı içəri salmaq üçün özü ilə çanta götürür və atası ilə birlikdə qonşuya gəlir. Qadın pitonun başından tutan kimi o, dərhal qolunu onun ətrafına dolayır. İlan buna cavab olaraq onun əlini sıxmağa başlayır.
Qıvrılan pitonu idarə etmək və onu çantaya qoymaq səkkiz dəqiqə çəkib. Atasının dediyinə görə, tutulma zamanı Onya özünün deyil, yalnız ilanın təhlükəsizliyindən narahat olub.
Onya pitonu görəndə kiminsə onu atdığını anladığı üçün üzüldüyünü bildirib. O, insanların qorxudan ilanlardan xilas olduğuna inanır. Qız insanlara heyvan qorxusunu aradan qaldırmağa kömək etməyə ümid edir.
Nərmin
