Əgər 40 və ya 50 yaşınız varsa və saçlarınızın əvvəlki kimi qalın olmadığını müşahidə edirsinizsə, bu, təkcə sizdə baş vermir. Saç mütəxəssisləri bildirirlər ki, müəyyən gündəlik vərdişlər və səhvlər saçların seyrəkləşməsini sürətləndirir — halbuki bu prosesi ləngitmək tam mümkündür.
Niyə yaş artdıqca saçlar seyrəkləşir?
Foodinfo.az xəbər verir ki, mütəxəssislərin sözlərinə görə, yaşla bağlı saç tökülməsi və incəlməsi təbii bir prosesdir. Qadınlarda əsas səbəblərdən biri hormonal dəyişikliklər, keratin və melanin istehsalının azalmasıdır. Lakin təkcə yaş və hormonlar deyil, havalar soyuduqca bu problem daha da dərinləşə bilər.
Saç əkimi üzrə cərrah, ekspert doktor Çinik qeyd edir ki, payız ayları saçlar üçün ən çətin dövrdür:
“Yaydan sonra gün işığının azalması və hormon səviyyələrinin dəyişməsi nəticəsində saçların təbii dövrü pozulur. Nəticədə saçlar daha çox tökülür və kövrəkləşir.”
Qaranlıq saç boyalarından uzaq durun
40 yaşdan sonra qadınların buraxdığı ən böyük səhvlərdən biri — çox tünd saç boyalarına üstünlük vermələridir. Bu cür rənglər dərinin açıq tonuyla kontrast yaradaraq, saçların seyrək hissələrini daha nəzərəçarpan edir.
Mütəxəssis daha açıq tonlara keçməyi və ya incə “melirovka” (balayaj) etməyi tövsiyə edir. Bu, həm üz cizgilərini yumşaldır, həm də saçların kökləri böyüdükdə kəskin keçid yaratmır.
Fen və isti alətlərə fasilə verin
Hər gün fen və ütü ilə saç düzləşdirmək, xüsusilə payız və qışda, saçların düşməni sayılır.
“Saçlar yaşlandıqca təbii nəmini itirir. İsti hava isə bu prosesi sürətləndirərək, qırılma və quruluğa səbəb olur,” – deyə mütəxəssis bildirir.
Saçları təbii yolla qurutmaq, isti alətlərdən az istifadə etmək saçın təbii parlaqlığını bərpa edir və onu daha qalın göstərir.
Baş dərisini unutmayın
Seyrək saç problemi yalnız tellərlə bağlı deyil. Baş dərisinin vəziyyəti də böyük rol oynayır. Soyuq aylarda dərinin quruması qan dövranını zəiflədir və bu da saçların böyüməsini ləngidir.
Mütəxəssislər həftədə bir dəfə baş dərisi üçün yumşaq pilinq (scrub) etməyi, qan dövranını artırmaq üçün masaj tətbiq etməyi məsləhət görür.
Saç baxımını mövsümə uyğun dəyişin
Soyuq mövsümdə saçların daha çox nəmə ehtiyacı olur. Aqressiv tərkibli şampunlardan uzaq durmaq, silikon tərkibli ağır vasitələr əvəzinə nəmləndirici və qidalandırıcı maskalar seçmək vacibdir.
Ağarmış saçlar üçünsə yüngül tonlaşdırıcı vasitələr və dərin nəmləndirici balzamlar istifadə etmək tövsiyə olunur.
Çox bərk saç bağlamaqdan çəkinin
Çox sıx at quyruqları və dar baş geyimləri saç follikullarına təzyiq göstərərək onların zəifləməsinə səbəb olur. Stilist seçərkən, yaşla bağlı saç dəyişikliyini nəzərə alan mütəxəssisə müraciət etmək vacibdir.
