Bir il sonra müstəntiqlər yarı yeyilmiş burrito sayəsində ABŞ-ın Viskonsin ştatında abort əleyhinə təşkilatın ofisini yandırmaqda şübhəli bilinən şəxsi yaxaladılar. Foodinfo.az xəbər verir ki, bu barədə NPR məlumat yayıb.
Naməlum kişi 8 may 2022-ci ildə Madisonda Wisconsin Family Action (WFA) ofisini yandırıb. Polis hadisə yerindən iki ədəd "Molotov kokteyli" tapıb. Binanın divarına vandal yazıb: “Əgər abort təhlükəsiz deyilsə, deməli, siz də təhlükəsiz olmayacaqsınız”.
Polis yerindəcə tapılan əşyaları müayinə üçün göndərib və üç müxtəlif şəxsin DNT-sini əldə edib, lakin onlar polis bazasında olmayıblar.
2023-cü ilin yanvarında Viskonsin ştatında nümayişçilər Atlantada polisin atışmasına etiraz edirdilər və polis Ştat Kapitolunun zəminində qraffiti yazan bir neçə nəfərin müşahidə kamerası görüntülərini görüb. Onlardan biri yazıb: “Biz qisas alacağıq”. Şriftin WFA divarına yazı yazmaq üçün istifadə edilənə bənzədiyi ortaya çıxdı.
Polis şübhəlinin Medisonda qeydiyyatda olan ağ rəngli “Toyota Tacoma” pikapını idarə etdiyini müəyyən edib. Martın 1-də asayiş keşikçiləri bir nəfərin pikap sürdüyünü görüblər və o, park edib avtomobildən çıxan zaman onun şəxsiyyətini təsdiqləyiblər. Onun 29 yaşlı Hridind Sankar Roychoudhury olduğu ortaya çıxıb. Fast food-u altından olan çantanı zibil qutusuna atmış şəxs maşınına qayıdıb və oradan uzaqlaşıb.
Çantada polislər yarı yeyilmiş burrito tapıblar. Analiz üçün laboratoriyaya göndəriblər. Bir neçə həftə sonra nəticələr göstərib ki, burritonun DNT-si abort əleyhinə təşkilatın binasında tapılan nümunələrə uyğun gəlir. Polis Boston hava limanında həmin şəxsi Qvatemalaya uçmağa hazırlaşarkən həbs edib.
O, yandırma və partlayıcı maddələrdən istifadə etməklə ziyan vurmağa cəhddə ittiham olunub. Həmin gün o, məhkəməyə aparılıb. Məhkəmə onu təqsirli bilsə, onu 5 ildən 20 ilə qədər həbs gözləyir.
Nərmin
