Saqqız çeynəmək bütün dünyada bir çox insanın gündəlik vərdişlərindən biridir və bu arada az adam təsəvvür edir ki, bu sadə və zahirən zərərsiz vərdiş ətraf mühitə çoxlu ziyan vura bilər.
Foodinfo.az-ın məlumatına görə, təbiətdə qalan saqqızın ömrünün bir neçə onilliklərə çata biləcəyini təsəvvür etmək sizin üçün çətin ola bilər. Qlobal miqyasda insanlar hər il təqribən 100.000 ton saqqız çeynəyir, bəs onu bitirib atdıqdan sonra nə baş verir?
Bu suala cavab verməzdən əvvəl qeyd etməliyik ki, saqqız çeynəmək yeni məsələ deyil və arxeoloji sübutlar göstərir ki, bir çox qədim sivilizasiyaların insanları ağac qatranlarını və müxtəlif ağacların şirəsini çeynəmişlər, lakin 1950-ci illərdə sintetik saqqızlarla əvəz edilmişdir.
Qədim insanların çeynədiyi materiallardan fərqli olaraq, yeni saqqızlar sintetik və kimyəvi əsasa malikdir və bundan əlavə, müasir saqqızlarda bitki yağı kimi yumşaldıcılar, yapışqanlığı azaldan emulqatorlar, həcmi artırmaq üçün talk kimi doldurucular, əlavə olaraq dad verənlər, konservantlar və rənglər var.
Bu səbəbdən təbiətə daxil olan istənilən saqqız yüz illər boyu eyni formada qala və ətraf mühitə çoxlu ziyan vura bilər.
Şəbnəm
