Cəfəri çayı qədim zamanlardan sağlamlığa faydaları ilə tanınır. Foodinfo.az xəbər verir ki, cəfərinin qaynadılması onun tərkibindəki antioksidantlar, vitaminlər və mineralların suya keçməsinə kömək edir.  

Cəfəri çayının əsas faydaları aşağıdakılardır:

- Təbii sidikqovucu təsiri ilə böyrəklərin fəaliyyətini dəstəkləyir, ödemi azaldır və böyrək daşlarının əmələ gəlməsinin qarşısını alır.  

- Mədə turşusunu tənzimləyərək həzmi asanlaşdırır və köpü azaldır.  

- Tərkibindəki C vitamini və antioksidantlar bədəni infeksiyalara qarşı qoruyur.  

- Kaliumla zəngin olduğuna görə yüksək təzyiqi azaltmağa kömək edir.  

- Qadınlarda menstruasiyanı nizamlayıcı təsir göstərir.  

Hamilə qadınların və böyrək xəstələrinin cəfəri çayını həkimlə məsləhətləşərək içməsi tövsiyə edilir. Həddindən artıq istehlak edildikdə təzyiqin və elektrolit balansının dəyişməsinə səbəb ola bilər.