Reyhan şərbəti təravətləndirici və dadlı bir içki olaraq xüsusilə yay aylarında geniş istifadə olunur. Təbii tərkibi və sağlamlıq faydaları ilə tanınan bu içki mətbəxlərin sevilən içkilərindən biridir. Reyhan bitkisinin yarpaqlarından hazırlanan şərbət, özünəməxsus dadı və rəngi ilə fərqlənir.
Foodinfo.az xəbər verir ki, reyhan nane ailəsinə aid olan və aromatik yarpaqları ilə tanınan bir bitkidir. Onun yarpaqları təravətli qoxuya və yüngül, şirin dada malikdir. Reyhan bitkisi, həm yeməklərdə, həm də içkilərdə geniş istifadə olunur.
Reyhan şərbəti hazırlamaq üçün təzə reyhan yarpaqları, şəkər, su və limon suyu lazımdır. Əvvəlcə reyhan yarpaqları yuyulur və böyük bir qazana qoyulur. Üzərinə qaynar su əlavə edilərək bir müddət dəmlənir. Daha sonra şəkər əlavə edilərək qarışım yenidən qaynadılır. Qaynadıqdan sonra süzülür və limon suyu əlavə edilərək soyudulur. Soyuduqdan sonra şərbət buzla birlikdə servis edilir.
Reyhan güclü antioksidantlarla zəngindir. Bu antioksidantlar bədəndəki sərbəst radikallarla mübarizə apararaq hüceyrə zədələnməsinin qarşısını alır və xərçəng kimi xroniki xəstəliklərin riskini azaldır.
Həzm siəzm sistemini dəstəkləyir və mədə-bağırsaq problemlərinin qarşısını alır. O, həzmi asanlaşdırır və mədə ağrılarını yüngülləşdirir.
İmmunitet sistemini gücləndirən xüsusiyyətlərə malikdir. O, orqanizmin infeksiyalara qarşı müqavimətini artırır və ümumi sağlamlığı dəstəkləyir.
Reyhanın tərkibində olan uçucu yağlar sinir sistemini sakitləşdirir və stressi azaltmağa kömək edir.
Reyhan şərbəti yalnız içki olaraq deyil, həm də kokteyllər və müxtəlif desertlərin tərkibində də istifadə olunur. Onun təravətli və şirin dadı müxtəlif reseptlərə mükəmməl uyğunlaşır.
