Limon və laym çox vaxt bir-birinə bənzəsə də, dad, tərkib və istifadə sahələrinə görə bir sıra fərqlərə malikdirlər. 

Foodinfo.az bu iki meyvənin əsas fərqlərini təqdim edir:

1. Rəng və görünüş

– Limon sarı rəngdə, bir qədər iri və oval formadadır.

– Laym yaşıl rəngdə olur, daha kiçik və yuvarlaqdır.

2. Dad fərqi

– Limon turş, amma nisbətən yumşaq və ətirli dad verir.

– Laym daha kəskin, güclü turş və bir az acımtıl dada malikdir.

3. İstifadə sahələri

– Limon çay, desertlər, balıq yeməkləri, salat sousları və ev təbabətində geniş istifadə olunur.

– Laym əsasən kokteyllər, marinadlar, Meksika və Asiya mətbəxində istifadə edilir. Aromatı daha ekzotikdir.

4. Tərkib və qida dəyəri (Hər ikisi C vitamini ilə zəngindir)

– Limonda C vitamininin miqdarı bir qədər daha yüksəkdir.

– Laymda antioksidant və efir yağları daha çoxdur.

5. Ətir və qabıq

– Limon qabığı parlaq, daha qalındır.

– Laym qabığı daha incə və güclü aromalıdır.

6. Saxlama müddəti

– Limon daha uzun müddət xarab olmadan qala bilir.

– Laym daha tez yumşalır və xarab olur.