Çoxlarının həvəslə işlətdiyi "WhatsApp" messenceri eyni anda iki yeni funksiyanı təqdim edib: naməlum nömrələri səssiz rejimdə olması və konfidensiallığın yoxlanması.

Foodinfo.az xarici mətbuata istinadən xəbər verir ki, yeni konfidensiallıq (məxfilik) parametrlərində peyda olan yeni keçid naməlum nömrələrdən gələn zəngləri səssiz etməyə imkan verir, lakin zənglər bu zaman da bildirişlərdə görünəcək.

Təəssüf ki, naməlum nömrələrdən gələn zəngləri tamamilə bloklamaq hələ mümkün deyil.

"Konfidensiallığı yoxlamaq" menyusunda istifadəçilər bütün məxfilik parametrlərini nəzərdən keçirə və müvafiq qorunma səviyyəsini seçə biləcəklər. "WhatsApp" təhlükəsizliyə və ünsiyyətin qorunmasının vacibliyinə xüsusi diqqət yetirir.

Nərmin