Azərbaycanda qida yağlarının tərkibindəki trans yağların normativ həddinin aşağı salınması məsələsi qanunla tənzimlənməlidir.
Trend-in məlumatına görə, bunu Azərbaycan Qida Təhlükəsizliyi Agentliyinin sədri Qoşqar Təhməzli deyib.
Onun sözlərinə görə, hazırda Azərbaycanda trans yağlarla bağlı normativ hədd göstəricisi 8 %-dir. Amma Q.Təhməzli hesab edir ki, bu göstərici 2 %-ə endirilməlidir:
"Azərbaycan Qida Təhlükəsizliyi Agentliyi istəyir ki, Avropa Qida Təhlükəsizliyi Agentliyinin tövsiyələrinə uyğun olaraq, ölkədə də trans yağlarının yuxarı həddini 2 % edək. Təbii ki bu məsələ qanunvericilikdə öz əksini tapmalıdır. Energetik içkilərdə olduğu kimi, hazırda trans yağlarla da bağlı müvafiq normativ-hüquqi sənədlər hazırlanır. Sənədlər hazır olduqdan sonra Ədliyyə Nazirliyində qeydiyyatdan keçiriləcək və sonra hüquqi qüvvəyə minəcək".
Son xəbərlər
- Azərbaycan və Belarus prezidentləri “Caspian Agro” və “InterFood Azerbaijan” sərgiləri ilə tanış olub
- Kökəlməmək üçün makaron və kartofu necə bişirmək olar?
- AQTA işçi axtarır - VAKANSİYA
- Bu növ çayları yalnız qaynar su ilə dəmləmək lazımdır
- Arıqlama prosesindəsinizsə bunu yeyin
- İsti havalarda sizə kömək edən qidalar