Bir çox xəstəliyin müalicəsi və ümumi sağlamlığımızı qorumaq üçün əsrlər boyu istifadə edilən çia toxumu sağlamlığımız üçün mütləq istehlak etməli olduğumuz toxumlardan biridir.
Foodinfo.az xəbər verir ki, toxumlar tərkibindəki güclü vitamin və minerallar sayəsində sağlamlığımız üçün ən faydalı təbii sərvətlərdən biridir. Chia toxumlarının kiçik ölçülərinə baxmayaraq, sıx bir qida profilinə malikdir. 2 xörək qaşığı çia toxumunun tərkibində təxminən 11 qram lif, 4 qram protein, 9 qram yağ (bunların çoxu omeqa-3 yağ turşularıdır) və kalsium, dəmir, maqnezium və fosfor kimi minerallar var.
Chia toxumları orqanizmin ehtiyac duyduğu omeqa-3 yağ turşularının qaynaqlarından biridir. Bu yağ turşuları ürək sağlamlığını dəstəkləyir, iltihabı azaldır və beyin funksiyası üçün vacibdir.
Ürək sağlamlığını qoruyan və gücləndirən çia toxumları yaxşı xolesterini artırır və pis xolesterini azaldır. Bundan əlavə, çia toxumlarında yüksək miqdarda protein var. Bu, əzələ inkişafını təşviq edir və dolğunluq hissini artıraraq çəkiyə nəzarət etməyə kömək edir.
Liflə zəngin olduqları üçün həzm sistemini tənzimləməyə kömək edir. Bu toxumlar toxluq hissi yaradır və həddindən artıq yemək istəyini minimuma endirir. Eyni zamanda tərkibindəki lif bağırsaq hərəkətliliyini artıraraq qəbizliyi müalicə edir. Çia toxumları həmçinin antioksidanlar, vitaminlər və minerallarla zəngindir. Bu, bədəni sərbəst radikallardan qoruyur, immunitet sistemini gücləndirir və ümumi sağlamlığı dəstəkləyir.
Maqnezium, dəmir, kalsium və fosfor kimi mineralları ehtiva edən çia toxumu sümük sağlamlığı, enerji istehsalı və əzələ funksiyaları üçün vacibdir.
Chia toxumlarında qan şəkərini tarazlaşdıra bilən xüsusiyyətlərə malik liflər var. Bu, diabet riskini azaldır və enerji səviyyəsini balanslı saxlayır.
