Ayaq qoxusu bir çox insanın isti hava, sıx fəaliyyət və ya uyğun olmayan ayaqqabılar səbəbiylə qarşılaşdığı bezdirici problemdir. Ancaq təbiətin bizə təklif etdiyi təbii həll yolları ilə bu problemi həll etmək mümkündür. Ayaq qoxusu elmi olaraq "bromhidroz" adlanır və ayaqdan gələn xoşagəlməz qoxu kimi təyin olunur. Ayaq qoxusu tez-tez tər vəzilərinin, xüsusən də ayaqlardakı ekrin və apokrin tər vəzilərinin fəaliyyəti ilə bağlıdır.
Foodinfo.az ayaq qoxusunun səbəblərini təqdim edir:
Ayaqlar bədənin ən çox tər istehsal edən bölgələrindən biridir. İsti hava və ya fiziki fəaliyyət zamanı tər vəziləri daha çox tər əmələ gətirir və bu tər də ayaqların nəmlənməsinə səbəb olur.
Ayaqlar nəmli və isti bir mühitdə olduqda bakteriya və göbələklər üçün uyğun yaşayış sahəsi yaranır. Bu orqanizmlər tərdən və ölü dəridən qida mənbəyi kimi istifadə edir və bu proses nəticəsində xoşagəlməz qoxular yaranır.
Ayaqqabıların düzgün seçilməməsi səbəbindən ayaq qoxusu da yarana bilər. Dar və ya nəfəs almayan ayaqqabılar ayağın tərləməsini artırır, bu da pis qoxunun yaranmasına gətirib çıxarır.
Ayaqların müntəzəm yuyulmaması və ya qurudulmaması da qoxuya səbəb ola bilər. Nəmli yerlərin, xüsusən də ayaq barmaqları arasının qurudulmaması bakteriya və göbələklərin çoxalmasına səbəb olur.
Bəzi insanlar genetik olaraq daha çox tər istehsal etməyə meyllidirlər, bu da ayaq qoxusunun artmasına kömək edə bilər.
Stress altında olan insanlarda tər vəziləri daha çox işləyir, bu da ayaq qoxusunu artıra bilər.
Müalicəsi:
8 stəkan suya 2 xörək qaşığı qurudulmuş qoz əlavə edib 8 dəqiqə qaynadın. Vedrəyə qoyduğunuz suyun soyumasını gözləyin. Ayaqlarınızı təxminən 30 dəqiqə o suda saxlayın. Qurutma prosesini qaçırmayın. 1 həftə ərzində gündə bir dəfə tətbiq edilməsi lazımdır. Sonra 1 ay ərzində həftədə 3 dəfə tətbiq edə bilərsiniz.
