Sağ tərəfdəki ağrı təcili müalicə tələb edir, çünki daxili orqanların, ilk növbədə qaraciyər və öd kisəsinin işində pozğunluqlarla əlaqələndirilir.

Bu barədə reabilitasiya həkimi Nikolay Mavriçev danışıb.

Mütəxəssis bildirib ki, əgər sağ nahiyədə ağrılar yaranırsa, ilk növbədə öd kisəsi, qaraciyər və mədənin funksiyalarını yoxlamaq lazımdır. Onun sözlərinə görə, onların işində pozulmaların ümumi səbəbi pis qidalanmadır. Fast food və dadlandırıcıların bolluğu bədənin normal fermentlər istehsal etməsinə imkan vermir. Maddələr mübadiləsini pozur və zaman keçdikcə daxili orqanların işində nasazlıqlar yaranır.

Həkim xəbərdarlıq edib ki, sağ tərəfdə ağrılar stress səbəbindən də inkişaf edə bilər. O, uzun müddət davam edən psixo-emosional stressin orqanizmdən ödün çıxarılması prosesini pozduğunu, bunun da öz növbəsində toksinlərin toplanmasına səbəb olduğunu vurğulayıb. “Öd kisəsinin divarları qıcıqlanır, ağrılar yaranır. Sonra qaraciyər ölçüsündə böyüyür, öd yolları ağrıyır və sağ hipokondriyumda narahatlıq baş verir”, - Mavriçev bildirib.