Bilirik ki, duş kabinanızın şüşəsini təmizləmək ən çətin və əziyyətli işlərdən biridir. Xüsusilə cod sudan istifadə edirsinizə, şüşələrdə tez-tez ləkələrlə qarşılaşa bilərsiniz.

 Foodinfo.az xəbər verir ki, bu ləkələri təmizləmək üçün bir neçə təsirli üsullar var.

 Təbii və təsirli üsullarla bu ləkələri asanlıqla təmizləyə bilərsiniz. 

Birinci formula diş pastası üsuludur. Ağ diş pastasını nəm bir parça üzərinə sıxın və dairəvi hərəkətlərlə ləkələrə çəkin. Nəhayət, ləkələri mikrofiber parça ilə silin. Diş pastası ləkələri effektiv şəkildə təmizləyir. 

İkinci üsul su və duz qarışığıdır. Bir qabda bərabər miqdarda su və duzu qarışdırın. Bu qarışığı ləkələrin üzərinə çəkin və ya bir sprey şüşəsinə töküb ləkələriin üzərinə səpin. Qarışığı ləkələrin üzərində təxminən 10 dəqiqə saxlayın və sonra dairəvi hərəkətlərlə mikrofiber parça ilə silin. Duz sərt sudakı mineralları aradan qaldıraraq ləkələri çıxarmağa kömək edir. 

Başqa bir üsul sirkə və limon qarışığıdır. Bir qabda bərabər miqdarda sirkə və limon suyunu qarışdırın və bir az qızdırın. Yaranan qarışığı bir sprey şüşəsinə qoyun və ləkələrə çiləyin. Qarışığı təxminən 15 dəqiqə saxlayayaraq mikrofiber parça ilə silin. Sirkə və limon ləkələri effektiv şəkildə çıxarır və duş kabinəsinin şüşəsini təmizləyir.

 Hər duşdan sonra duş kabinini isti su ilə təmizləyin. Duş kabinini həftədə bir dəfə sirkə və ya limonlu su ilə təmizləyin. Duş kabinini təmizləyərkən süngərin sərt tərəfini istifadə etməyin. Duş kabinini təmizlədikdən sonra yaxşıca yuyun. Mikrofiber parça ilə duş kabinini silin. Mikrofiber parçalar səthdə ləkələr və cızıqlar qoymur. Bu təbii və təsirli üsullardan istifadə edərək duş kabinanızın şüşəsini asanlıqla təmizləyə, ləkəsiz və parlaq saxlaya bilərsiniz.