Bəzən çox ac olanda, qan şəkərimiz aşağı olanda, çox yorulduğumuzda və ya çox enerji sərf etdiyimiz zaman əllərimiz titrəyir. İnsanların zaman-zaman yaşadığı əl titrəməsi bəzi hallarda bədəndəki çatışmazlıqların əlamətidir. Tibbdə "Tremor" kimi tanınan əl titrəməsi və ritmik titrəmə sinir sisteminin bir növüdür, yəni nevroloji pozğunluqdur. Bədənin demək olar ki, hər yerində baş verə bilən bu ritmik və qeyri-iradi titrəməyə ən çox əllərdə rast gəlinir.
Bədəndəki müxtəlif çatışmazlıqların əlaməti olan əl titrəməsinin səbəbi nədir?
Foodinfo.az xəbər verir ki, əl titrəməsi əksər insanların yaşadığı qeyri-iradi əzələ hərəkətidir. Bu ritmik hərəkət tez-tez həyəcan, qəzəb, qorxu, stress, yorğunluq, vitamin və ya mineral çatışmazlığı, qəhvə və çay kimi içkilərin həddindən artıq istehlakı səbəbindən yaşanır. Tremor adlı əl titrəmə pozuqluğu əslində gündəlik həyatınızdakı fəaliyyətlərin və stressin nevroloji təsiridir. Bu, çox da qorxulu olmasa da, gündəlik həyatı çətinləşdirə bilər. Fərqli xəstəliklərin əlaməti ola bilən bu pozğunluq çox vaxt spirtli içki qəbulunda müşahidə edilir. Bundan başqa bəzi dərmanların istifadəsi nəticəsində yaranan Parkinson, epilepsiya, polineyropatiya və distoniya kimi xəstəliklər də əl titrəməsinə səbəb olur.
B12 vitamini çatışmazlığı bədəndə və əllərdə ritmik titrəmələrə səbəb olur. B12 orqanizmdə DNT sintezi, eritrosit istehsalı, sinir toxumasının yenilənməsi kimi mühüm funksiyaları yerinə yetirən bir vitamindir. Buna görə də, B12 qəbulu son dərəcə vacibdir və əllərində titrəmə olanlar həkim nəzarəti altında B12 əlavələri qəbul etməlidirlər.
B12 vitaminini əlavə olaraq qəbul etməklə yanaşı, müxtəlif qidalardan da faydalana bilərsiniz. Pəhrizinizə B12 ilə zəngin qidaları əlavə etməklə özünüzü əl titrəməsi kimi xəstəliklərdən qoruya bilərsiniz. B12 ilə zəngin olan və pəhriz siyahısına əlavə edilə bilən qidalar aşağıdakılardır:
Qaraciyər, ürək, böyrək və buna bənzər sakatat
Karides, istiridye və midye kimi qabıqlı balıqlar
Tuna, alabalıq, skumbriya və siyənək
Pendir, süd, qatıq və onun növləri daxil olmaqla süd məhsulları
Yumurta
