"Təmiz şokoladın dadı ağızda 45 dəqiqə qalır".
Foodinfo.az bildirir ki, bunu Sfera.az-a açıqlamasında qida məsələləri üzrə mütəxəssis Ağa Salamov deyib. O, şokoladın əsl aromasını hiss etmək üçün bir sıra üsullar da sadalayıb.
"Şokoladın dadını hiss etmək istəyənlər burnunu əli ilə sıxmalı, ağıza bir şokolad parçası atmalı və ardınca dildə buraxdığı ləzzətləri ayırmağa çalışmalıdır. Şokolad ağızda əriyəndən sonra isə əlinizi burnunuzdan götürün, ağzınızdan dərin bir nəfəs alın və burnunuzdan buraxın. Beləliklə, burnunuzda şokaladın qoxusunu və fərqli aromalarını daha da çox hiss edəcəksiniz. Bu günə qədər almadığınız fərqli şokolad ləzzətini tapacaqsınız".
Ekspert bildirib ki, yaxşı şokoladı yeyərkən ağızda yağ dadı hiss olunmamalıdır:
"Əgər yağ dadı hiss edirsinizsə, bu o deməkdir ki, kakao yağı ilə yanaşı, palma yağı da istifadə olunub. Keyfiyyətli bir şokolad kakao yağı ilə hazırlanır. Kakao yağı bədən istiliyində 36.5 əriyən yağdır".
