Mütəxəssislər halsızlıq, iştahsızlıq, davamlı kefsizlik, çoxlu yuxu istəyi, kədər hissi kimi özünü göstərən qış depressiyasına qarşı alınacaq tədbirləri belə izah edirlər.
Bəzi insanlara görə, günəşli hava enerjili, ürəkaçan, yağışlı və ya buludlu hava isə kədərli, depressiv hava hesab olunur. İnsanlar yağışa, günəşə fərqli məna verməklə məsələni yanlış anlayır və qavrayırlar. Halbuki günəş və yağış təbiətə, bütün canlılara və planetimizə həyat, can verir.
Foodinfo.az bildirir ki, havanın necə olmağından asılı olmayaraq, aşağıdakılara əməl etsəniz, gününüz daha xoş, əhval-ruhiyyəniz daha yaxşı ola bilər:
Kifayət qədər günəş işığı alın: Evdə pərdələri və ya jalüzləri açın və mümkün qədər evə təbii işığın daxil olmasına çalışın.
Daimi məşq: Fiziki fəaliyyət endorfinləri ifraz edir və əhval-ruhiyyəni yaxşılaşdırır. Hətta gündəlik qısa məşqlər və ya gəzintilər əhvalınızı və enerji səviyyənizi əhəmiyyətli dərəcədə yaxşılaşdıra bilər.
Sağlam pəhriz: Meyvə, tərəvəz, tam taxıl və yağsız zülallarla zəngin balanslaşdırılmış yeməklər yeyin.
Sosial əlaqə: Dostlar və ailə ilə vaxt keçirin.
Hobbi ilə məşğul olun: Oxumaq, rəsm çəkmək, yemək bişirmək və ya musiqi kimi zövq aldığınız fəaliyyətlərlə məşğul olun.
