Hemotest laboratoriyasının qastroenteroloqu Yekaterina Kaşux yay mövsümündə əllərin yuyulmasının vacibliyindən danışıb.

"Yayın gəlişi ilə insanlar açıq havada daha çox vaxt keçirirlər və yeməklərinin bir hissəsi çöldə olur" deyə ekspert "Vesti Podmoskovya"ya müsahibəsində bildirib.

Mütəxəssisin fikrincə, nəm salfetlər və ya təmizləyici gellər həmişə təsirli olmur.

Bundan əlavə, qəlyanaltı üçün özünüzlə götürdüyünüz yeməklər istidə olduqca tez xarab ola bilər, çünki yüksək temperatur qida və içkilərdə patogen mikroorqanizmlərin çoxalmasına kömək edir.

Qastroenteroloq yeməkdən əvvəl əlləri yumağı və ya spirt tərkibli dezinfeksiyaedici vasitələrdən istifadə etməyi şiddətlə tövsiyə edir.