Zərərli qəlyanaltılar yemək vərdişindən qurtulmaq sağlam həyat tərzi üçün vacibdir.
Bu vərdişdən xilas olmağa kömək edən təsirli üsulları təqdim edirik:
Çöldə yemək əvəzinə evdə daha çox yemək bişirmək zərərli qidalardan asılılığınızı azalda bilər. “American Journal of Lifestyle Medicine” jurnalında dərc olunan araşdırmaya görə, evdə tez-tez yemək bişirən insanlarda piylənmə daha az olur.
Zülal qəbulunun artırılması
“Obesity and Metabolic Syndrome” jurnalında aparılan təhlil göstərir ki, zülal qəbulunun artırılması qəlyanaltılara və zərərli qidalara olan həvəsi azalda bilər. Karbohidratları yağ və zülal mənbələri ilə əvəz etmək də artıq kalori qəbulunu, eləcə də yemək istəyini azaldır.
Müntəzəm və balanslı pəhriz
Müntəzəm, qida dəyəri yüksək, zülalla zəngin yeməklər və qəlyanaltılar yemək sağlam kalori qəbulunu qorumağa və lazımsız qidalara olan istəyi azaltmağa kömək edə bilər.
Doyurucu qidaların istehlakı
Zülal və liflə zəngin qidaların istehlakı toxluq hissini artırır. Günə yumurta, meyvə və şəkərsiz kofe kimi qidalarla başlamaq zərərli qəlyanaltı istəyini azaldır.
Yuxu rejiminə diqqət yetirmək
Yuxunun olmaması qəlyanaltı və ləzzətli qidalara olan istəyi artıra bilər.“Nutrients” jurnalında dərc edilən araşdırmaya görə, nizamlı və keyfiyyətli yuxu sağlam qidalanma vərdişinə kömək edə bilər.
Stressin idarə edilməsi
Xroniki stress zərərli qida qəbulunu və iştahı artırır. Odur ki, stressi idarə üsulları sağlam qida seçimlərini təşviq edə bilər.
Hər şey mətbəxdən başlayır
Mətbəxdə lazımsız, zərərli qidalar əvəzinə sağlamlığa yararlı qidalar saxlamaq yemək seçiminizə müsbət təsir göstərə bilər.
Məhdudlaşdırıcı dietlərdən uzaq durmaq
Sərt və məhdudlaşdırıcı dietlər zərərli qidalara olan istəyi artırır. Balanslaşdırılmış və qida çeşitliliyini təmin edən pəhrizlər daha davamlı ola bilər.
Düzgün ərzaq alış-verişi
Yaxşı təchiz olunmuş bir mətbəxə sahib olmaq evdə daha çox yemək bişirməyinizi və daha az zərərli qida istehlak etməyinizi asanlaşdıracaq.
Mütəxəssislər bildirirlər ki, sağlam qidalanma, nizamlı məşq, adekvat yuxu və stresin idarə edilməsi kimi həyat tərzi dəyişiklikləri zərərli qidalar yemək vərdişindən qurtulmaq üçün vacibdir. Bu üsullarla siz sağlam həyat tərzinə qədəm qoya və zərərli qidalar yemək vərdişinizi azalda bilərsiniz.
