Arqan yağı “mərakeş qızılı” adı ilə tanınan və kosmetologiyada olduqca dəyərli hesab edilən təbii bir yağdır. Arqan ağacının meyvələrinin toxumlarından əldə olunan bu yağ, xüsusilə dərinin cavan qalması və qidalanması üçün geniş istifadə olunur.
Foodinfo.az arqan yağının üz dərisinə əsas təsirlərini təqdim edir:
- Arqan yağı zəngin E vitamini və yağ turşuları sayəsində dərinin təbii nəmini qoruyur. Quru və çatlamış dərilər üçün təbii bir nəmləndiricidir.
- Antioksidantlarla zəngin olduğu üçün xırda qırışların yaranmasının qarşısını alır, dərinin elastikliyini artırır və gənc görünüşünü dəstəkləyir.
- Antiinflamatuar və antibakterial xüsusiyyətə malikdir. Yağlı dərilərdə belə məsamələri tıxamadan dərini balanslaşdırır və sızanaq izlərini yüngülləşdirir.
- Daimi istifadə zamanı ləkələrin və günəş izlərinin azalmasına kömək edir. Dəri tonunu bərabərləşdirir və daha parlaq görünüş qazandırır.
- Arqan yağı sərbəst radikalların təsirindən qoruyaraq çirklənmə və günəşin mənfi təsirlərinə qarşı təbii qalxan rolunu oynayır.
Gecə yatmazdan əvvəl təmiz üz dərisinə 2-3 damcı arqan yağı barmaq ucları ilə masaj edilərək çəkilməlidir.
Maska kimi istifadə üçün digər təbii yağlarla (məsələn, jojoba yağı, lavanda yağı) qarışdırıla bilər.
Həm quru, həm də yağlı dərilərdə balanslı şəkildə istifadə oluna bilən bu yağ, dəriyə parlaq və sağlam görünüş bəxş etmək üçün ideal seçimdir.
