B12 vitamini bədən sağlamlığının qorunmasında çox mühüm rol oynayır. Sağlam bir orqanizmdə B12 vitamininin miqdarı ideal səviyyədə olmalıdır. Ancaq bu miqdar əhəmiyyətli dərəcədə azalarsa, vücudunuz bir sıra simptomlar göstərə bilər. Bu simptomlardan birini və ya bir neçəsini yaşamağa başlasanız, B12 vitamininizi yoxlamaq barədə düşünməlisiniz.
B12 çatışmazlığı yorğunluğa səbəb olurmu?
Çoxumuzun zaman-zaman yaşadığı yorğunluq və zəiflik əslində B12 vitamini çatışmazlığının ilk siqnallarından biri ola bilər. Bu vitamin xüsusilə oksigen daşıyan qırmızı qan hüceyrələrinin istehsalı prosesində mühüm rol oynayır. Kifayət qədər qırmızı qan hüceyrələri olmadıqda həyati orqanlar və toxumalar lazımi miqdarda oksigen almır, bu da həddindən artıq yorğunluğa səbəb ola bilər.
B12 vitamini çatışmazlığının başqa bir əlaməti ağız və dil problemləridir. Dilin iltihabı olaraq təyin olunan qlossit B12 səviyyəsi aşağı olanlarda ümumi bir problemdir. Bu vəziyyət dilin şişməsinə, qırmızı və parlaq olmasına səbəb olur. Yemək yeyərkən və ya danışarkən narahatlıq hiss oluna və ağızda yaralar görünə bilər.
Yetkin insanlarda B12 vitamini çatışmazlığı yerimə və balans problemlərinə səbəb ola olur. Sinir sistemi zədələndikdə əzələlərin hərəkəti və koordinasiyası çətinləşir.
Görmə problemləri də B12 vitamini çatışmazlığının ümumi simptomudur. İnsanlarda optik sinirin zədələndiyi bir vəziyyət olan optik neyropatiya çox vaxt aşağı B12 səviyyəsinə görə baş verir. Bu, bulanıq görmə və rəngləri ayırd etməkdə çətinlik kimi görmə problemlərinə səbəb olur. Zehni sağlam tutmağın da bir yolu olan B12 vitamini konsentrasiyadan yaddaş problemlərinə, zehni dumana qədər idrak funksiyalarına təsir edə bilər.
Xüsusilə B12 səviyyəsinin aşağı olduğu çox ciddi hallarda depressiya və əsəbilik kimi əhval pozğunluqları baş verir.
B12 vitamini çatışmazlığının ən bariz əlaməti də əllərdə və ayaqlarda karıncalanma hissinin yaranmasıdır. Bu simptomları yaşayanlar da əzələ zəifliyi, tarazlıq və koordinasiya problemləri yaşayırsa, həkimə müraciət etmək son dərəcə vacib ola bilər.
Nəhayət, solğun və ya sarı dəri tonu da B12 çatışmazlığının əlaməti ola bilər. B12 vitamini çatışmazlığı olduqda sağlam qırmızı qan hüceyrələrinin sayının azalması səbəbindən dəri tonunda dəyişikliklər baş verə bilər.
B12 vitamini çatışmazlığına əhəmiyyət verilməsə, müxtəlif ciddi sağlamlıq problemləri riski ilə üzləşə bilərsiniz. B12 çatışmazlığı əlamətlərini görsəniz, həkimə müraciət etmək vacibdir.
B12 vitamini çatışmazlığının müalicəsini gecikdirsəniz, aşağıdakı nəticələrlə üzləşmək riskiniz var: Anemiya, yorğunluq və zəiflik kimi vəziyyətlər daha da pisləşə bilər. Bundan əlavə, başgicəllənmə və nəfəs darlığı kimi simptomlar daha sıx hiss edilə bilər. Sinir sisteminiz zədələnə bilər və bu, əllərdə və ayaqlarda uyuşma və ya karıncalanma, nitq pozğunluğu və yerimə çətinliyi kimi əlamətlərlə özünü göstərə bilər.
Vitamin B12 çatışmazlığı ürək xəstəliyi və Alzheimer kimi ciddi sağlamlıq problemləri riskinizi artırır. B12 vitamini çatışmazlığı da depressiya və narahatlıq kimi psixi sağlamlıq problemlərinə səbəb ola bilər.
