Yayda həddindən artıq tərləmə problemi havaların isti olması və yüksək rütubət səviyyəsinə görə arta bilər. Bu həm narahatlığa səbəb olur, həm də sosial qarşılıqlı əlaqəyə mənfi təsir göstərir.

Foodinfo.az həddsiz tərləməyə qarşı 5 təsirli üsulu təqdim edir:

1. Uyğun geyim: Pambıq paltar tərləməni azaltmağa kömək edir. Sintetik parçalar isə əksinə tərləməyə səbəb olur.

2. Gigiyenik baxım: Xüsusilə tərləmədən sonra müntəzəm duş qəbul etmək və bədəni təmizləmək tər qoxusunu və tərləməni azaldır. Gündəlik dezodorantlardan istifadə etmək də vacibdir. 

3. Nəm uducu vasitələr: Talk pudrası və ya qoltuqaltı nahiyədə nəm uducu xüsusiyyətlərə malik məhsullardan istifadə edərək tərləməni azalda bilərsiniz. Bu məhsullar tər udma xüsusiyyətləri sayəsində tərləməyə nəzarət edə bilir.

4. Düzgün qidalanma: Ədviyyatlı, ağır və yağlı qidalar tərləməni artıra bilər. Daha yüngül və balanslı yemək vərdişləri isə tərləməni azalda bilər. 

5. Su qəbulu: Bol su istehlakı bədəndəki maye tarazlığını qoruyur və tərləmə nəticəsində itirilən mayenin yerini doldurmağa kömək edir. Susuz qalmaq tər vəzilərinin daha çox işləməsinə səbəb ola bilər.

Həddindən artıq tərləməyə qarşı tətbiq edə biləcəyiniz bu sadə üsullarla tərləmənin təsirlərini azaldaraq daha rahat bir yay keçirə bilərsiniz. Bununla belə, daimi və həddindən artıq tərləmə yaşayırsınızsa, daha ciddi müalicə variantlarını nəzərdən keçirmək üçün bir mütəxəssisə müraciət etmək vacibdir.