Alça qurusu həm dad baxımından, həm də sağlamlıq baxımından çox faydalıdır.
Foodinfo.az xəbər verir ki, alça qurusu təzə alçanın xüsusi metodlarla qurudulması nəticəsində əldə edilən meyvədir. Quruma prosesi zamanı meyvənin suyu buxarlanır, lakin vitamin, mineral və digər qida maddələri qalır. Bu səbəbdən alça qurusu təzə alça ilə müqayisədə daha qidalı hesab olunur.
Qurutma prosesi ya təbii yolla günəş işığı altında, ya da xüsusi qurutma cihazları ilə həyata keçirilir.
Alça qurusu tərkibində yüksək miqdarda vitamin C, A, B6, kalium, dəmir və maqnezium saxlayır. Bu faydalı maddələr bir çox sağlamlıq problemlərinə qarşı müsbət təsir göstərir.
Bu meyvə qurusu liflə zəngin olduğundan bağırsaq funksiyalarını normallaşdırır və qəbizliyin qarşısını alır. Mədə-bağırsaq traktının sağlamlığı üçün tövsiyə olunur.
Tərkibində olan yüksək miqdarda C vitamini immunitet sistemini dəstəkləyir, infeksiyalara qarşı müqaviməti artırır.
Antioksidant təsirləri sayəsində alça qurusu dəri hüceyrələrini zərərli maddələrdən qoruyur, dərinin parlaq və sağlam görünməsinə kömək edir.
Kalium və maqnezium ürək-damar sisteminin sağlamlığı üçün vacib olan minerallardır. Alça qurusu bu minerallarla zəngin olduğuna görə ürək-damar xəstəliklərinin riskini azaldır.
Alça qurusu təbii şəkər mənbəyi olduğundan bədənə enerji verir və gün ərzində yorğunluğu aradan qaldırmağa kömək edir.
