ROSBIOTECH Universitetinin Biotexnologiya və Bioorqanik Sintez Məhsullarının Texnologiyası Departamentinin rəhbəri Dmitri Kulikov RT-tə müsahibəsində gərgin iş dövrlərində necə düzgün qidalanmaq barədə danışıb.
“Bir çox insanlar hesab edir ki, yaxşı istirahət etmək, beyin fəaliyyətini və konsentrasiyanı artırmaq üçün bir fincan güclü qəhvə, çay və ya enerji içkisi içmək kifayətdir, lakin kofeinin bir çox yan təsirləri var. Həssaslığı yaxşılaşdırmağa və beynin daha yaxşı işləməsinə kömək edən qidaların tərkibində qlükoza, yağ turşuları, amin turşuları və antioksidanlar olmalıdır. Onlar beyində onun enerjisini artıran kimyəvi maddələri aktivləşdirirlər”, - deyə o, izah edib.
Həkim xatırladıb ki, şəkər beynin əsas “yanacağı”dır.
“Bunsuz o öz funksiyalarını (öyrənmə, düşünmə, sinir emalı, yaddaş) yerinə yetirə bilməyəcək. Omeqa-3 normal beyin fəaliyyəti və yaddaşın inkişafı üçün zəruri olan yağ turşularıdır”, - deyə mütəxəssis əlavə edib.
“Dəmirlə zəngin olan quru meyvələr, yaşıl tərəvəzlər və az yağlı ət konsentrasiyanı yaxşılaşdıracaq. Sitrus meyvələrində, kələmdə və pomidorda olan C vitamini stresslə mübarizə aparmağa kömək edəcək. Süd məhsullarının zəngin olduğu kalsium sinir sisteminin normal fəaliyyətini təmin edəcək” - ekspert bildirib.
Leyla
