Südü sevməyənlər kalsiuma ehtiyaclarını həmin ağacın yarpağı ilə ödəyə bilərlər.
Təbiətin insanlara təqdim etdiyi möcüzəli hadisələrdən biri olan bu ağacın yarpağı süddən daha çox kalsium verir. Tut ağacı kimi tanınan bu ağacda düşündüyünüzdən daha çox şey var. Bir çox yemək və şirniyyatda istifadə edilərkən tibb sahəsində də istifadə edildiyi öyrənilib.
Foodinfo.az xəbər verir ki, tut yarpaqlarında antioksidanlar çox yüksəkdir. Bədəndəki sərbəst radikallarla mübarizə apararaq hüceyrə zədələnməsinin qarşısını alır. Xərçəng və qocalma əlamətlərinə qarşı qoruyucu qalxan rolunu oynayır.
Davamlı olaraq istehlak edildikdə tut yarpağı çayı qan şəkərini tənzimləməyə kömək edir. Eyni şəkildə, qlükoza mübadiləsini tənzimləməyə kömək etdiyi düşünülür. Bu, diabet xəstələri üçün bir üstünlük hesab olunur.
Tut yarpaqlarında flavonoidlər var. Ürək sağlamlığını dəstəkləyir, qan damarlarını genişləndirir və qan təzyiqini aşağı salır. Buna görə də ürək-damar xəstəlikləri riskini azaldır.
Antimikrob xüsusiyyəti ilə orqanizmdə mikrobların və infeksiyaların yayılmasının qarşısını alır. İmmunitet sistemini tarazlaşdırmaqla xəstəliyə qarşı müqaviməti təmin edir.
Tut yarpağında olan C vitamini immunitet sisteminizin güclənməsində mühüm rol oynayır və xəstəliklərə qarşı müqavimətinizi artırır.
Bu yarpağın çayını içməklə bütün bu faydalardan yararlana bilərsiniz. Bitki çayı kimi asanlıqla hazırlana və istehlak edilə bilər. Müsbət nəticə üçün müntəzəm olaraq istehlak etmək vacibdir. Sağlamlıq problemlərinin qarşısını almaq üçün istehlak etməzdən əvvəl bir mütəxəssislə məsləhətləşmək tövsiyə olunur.
