Son illərdə yaddaş problemi olan insanların sayı sürətlə artır. Yaşlılarda müşahidə olunan yaddaş problemləri indi gənclərdə də müşahidə olunur.
Foodinfo.az unutqanlıqla mübarizə aparmağın yollarını təqdim edir:
1. Daimi Yuxu: Yuxusuzluq və nizamsız yuxu yaddaş itkisinə səbəb ola bilər. Buna görə də müntəzəm yuxu yaddaşınızı gücləndirməyə kömək edəcək.
2. Məşq: Daimi idman beyinə daha çox oksigen təmin edir. Bu yaddaşı gücləndirməyə kömək edir.
3. Qidalanma: Sağlam qidalanma yaddaşın güclənməsinə kömək edir. Omeqa-3 yağ turşuları beyin sağlamlığı üçün vacibdir. Somon, qoz və kətan toxumu kimi qidalar omeqa-3 yağ turşuları ilə zəngindir.
4. Beyin məşqləri: Beyin məşqləri yaddaşı gücləndirmək üçün təsirli bir üsuldur. Sudoku, söz tapmacaları, zehni oyunlar kimi fəaliyyətlər beyin məşqləri üçün idealdır.
5. Stressin idarə edilməsi: Stress yaddaş itkisinə səbəb ola bilər. Buna görə də stress idarə etmə üsullarını öyrənmək və tətbiq etmək vacibdir. Yoqa, meditasiya və dərin nəfəs məşqləri stresin idarə olunması üçün təsirli üsullardır.
6. Təkrar: Öyrənilən məlumatın təkrarı yaddaşın güclənməsinə kömək edir. Buna görə də öyrənilən məlumatları mütəmadi olaraq təkrarlamaq vacibdir.
7. Yeni şeylər öyrənmək: Yeni şeylər öyrənmək beyinə yeni bir stimul verir və yaddaşı gücləndirməyə kömək edir. Yeni dil öyrənmək və ya yeni alətdə ifa etmək kimi fəaliyyətlər bu baxımdan faydalıdır.
GƏNCLƏRDƏ YADDAŞ PROBLEMİNİN SƏBƏBƏLƏRİ NƏDİR?
Sağlam olmayan qidalanma vərdişləri, yuxu pozğunluğu, vitamin çatışmazlığı və depressiya kimi problemlər gənclərin unutqanlıq problemlərinə səbəb ola bilər.
Xüsusilə kompüter və mobil telefonların gündəlik həyatın bir hissəsinə çevrildiyi üçün unutqanlıq yaşı getdikcə azalıb.
B12-D3 vitamini və fol turşusu çatışmazlığı da unutqanlıq probleminə səbəb ola bilər.
Beləliklə, nə edilməlidir?
* Müntəzəm olaraq kitab oxuma vərdişi qazanılmalıdır.
* Düzənsiz həyat tərzindən imtina edilməlidir. Daimi yuxu rejimi vacibdir.
* Yanlış yemək vərdişlərindən qaçınmaq lazımdır.
* Hazır qidaların və qızardılmış qidaların istehlakı məhdudlaşdırılmalıdır.
* Kompüter və ağıllı telefonlardan istifadə məhdudlaşdırılmalıdır.
* Bol su için və gündə ən az 1 saat gəzin.
Güclü yaddaş üçün tövsiyə edilən 3 ədviyyat:
1. Zərdəçal (sarıkök)
2. Zəfəran
3. Zirə
Alman alimləri tərəfindən aparılan və 'Stem Cell Research and Therapy' jurnalında dərc edilən bir araşdırma göstərdi ki, zərdəçalda olan maddə beynin bərpasında iştirak edən sinir hüceyrələrinin inkişafına kömək edir.
Tədqiqatçıların fikrincə, gündə 1 çay qaşığı zərdəçal qəbul etmək belə beyni qorumaq üçün kifayətdir.
İstənilən növ zərdəçal istehlak edilə bilər, lakin tərkibindəki kurkumin yalnız yağda həll olunduğundan, yağ tərkibli yeməklərlə yanaşı istehlak edilməsi və ya qatıq kimi təbii yağ ehtiva edən qidalarla qarışdırılması tövsiyə olunur. Bir kasa qatığa 1 çay qaşığı zerdeçal əlavə etmək kifayətdir.
