Bir ədəd siqaret çəkmək təxminən 20 dəqiqəlik həyat itkisinə səbəb olduğu bildirilir. Bu rəqəm uzunmüddətli statistiki araşdırmalara əsaslanaraq siqaretin insan sağlamlığına olan təsirini vurğulamaq üçün hesablanmışdır.
Foodinfo.az xəbər verir ki, siqaret tərkibindəki nikotin, karbonmonoksid və 4000-dən çox zərərli kimyəvi maddə ilə ürək-damar xəstəlikləri, ağciyər xərçəngi, xroniki obstruktiv ağciyər xəstəliyi (KOAH) və digər ciddi xəstəliklərin riskini artırır.
Siqaret çəkən insanlarda tənəffüs sistemi zədələnir, oksigenin orqanlara daşınması azalır və immun sistemi zəifləyir. Bu səbəbdən həyat keyfiyyəti azalır və ömür qısalır.
Həmçinin siqaret təkcə çəkən şəxsə deyil, passiv siqaret çəkməyə məruz qalan insanlara da zərər verir.
Bu cür statistika siqaretin fəsadlarını daha yaxşı başa düşmək və insanları bu zərərli vərdişdən uzaqlaşdırmaq məqsədi daşıyır.
Siqareti tərgitmək isə sağlamlıq risklərini əhəmiyyətli dərəcədə azalda və həyat müddətini uzada bilər.
