Narın tərkibindəki antioksidantlar və fitokimyəvi maddələr yüksək təzyiqin azaldılmasında təsirlidir. Xüsusən, nar suyu damarların genişlənməsinə kömək edən maddələr ehtiva edir və bununla da qan dövranını yaxşılaşdırır.
Foodinfo.az xəbər verir ki, narın yüksək antioksidant miqdarı damar divarlarında yığılma və sərtləşmə riskini azaldaraq ürək-damar sağlamlığını dəstəkləyir.
Aparılan tədqiqatlar göstərir ki, müntəzəm olaraq nar suyu içmək qan təzyiqini azaltmağa və ürək-damar xəstəlikləri riskini minimuma endirməyə kömək edir.
Lakin nar suyu yüksək şəkər tərkibinə də malik olduğundan ölçülü şəkildə istifadə edilməlidir, xüsusilə diabet xəstələri ehtiyatlı olmalıdır.
Narın balanslı şəkildə istehlakı yüksək təzyiqi nəzarətdə saxlamağa kömək edən təbii və faydalı bir vasitədir.
