Portağal C vitamini ilə zəngin meyvə kimi tanınsa da, bəzi meyvələr bu vitamin baxımından onu geridə qoyur. Müxtəlif meyvələrin rasiona daxil edilməsi immun sisteminin dəstəklənməsi baxımından daha faydalıdır.

Foodinfo.az xəbər verir ki, kivi, çiyələk, qara qarağat, quava və itburnu C vitamini baxımından ən zəngin meyvələr sırasında yer alır. Bu meyvələr antioksidantlarla da zəngin olduğu üçün hüceyrələrin qorunmasına və orqanizmin müdafiə sisteminin güclənməsinə kömək edir.

C vitamininin qida vasitəsilə qəbul edilməsi daha məqsədəuyğun hesab edilir. Çünki meyvələr yalnız vitamin deyil, həm də lif, mineral və digər faydalı maddələrlə zəngindir.

Balanslı qidalanma və mövsümi meyvələrin müntəzəm istehlakı sağlam həyat tərzinin vacib hissələrindən biri hesab olunur.