Kosmosa göndərilən qidalar uzun illərdir alimlərin diqqət mərkəzindədir. Bu məhsulların hazırlanması zamanı təhlükəsizlik, qidalılıq və uzunmüddətli saxlanma imkanları əsas meyar hesab olunur.
Foodinfo.az xarici mənbələrə istinadla xəbər verir ki, son illərdə kosmik missiyalar üçün hazırlanmış bir sıra texnologiyalar artıq qida sənayesində tətbiq olunmağa başlayıb.
Mütəxəssislər bildirirlər ki, astronavtlar üçün istehsal olunan məhsullar minimum yer tutmalı, uzun müddət xarab olmamalı və maksimum qida dəyərinə malik olmalıdır. Bu məqsədlə dondurularaq qurudulmuş məhsullar, yüksək zülallı qidalar və xüsusi qablaşdırma sistemləri hazırlanır.
Alimlər hesab edirlər ki, gələcəkdə 3D printerlər vasitəsilə hazırlanan qidalar gündəlik həyatın bir hissəsinə çevrilə bilər. Hazırda bir sıra şirkətlər fərdi qidalanma tələblərinə uyğun məhsulların hazırlanması üzərində işləyir.
Ekspertlərin fikrincə, kosmik qida texnologiyaları ərzaq itkilərinin azaldılması və dünya əhalisinin artan qida tələbatının qarşılanması baxımından mühüm rol oynaya bilər.
