Rusiyada qadağan olunmuş "Instagram"ı əvəz etmək üçün nəzərdə tutulan "Rossgram" artıq rəsmi olaraq iOS və Android-də istifadəyə verilib.

Foodinfo.az xəbər verir ki, tətbiqi "App Store" və "RuStore"dan  yükləmək mümkündür.

"Rossgram"da istifadəçilər öz profillərini yarada, lentdə foto və video paylaşa, dostlarının paylaşımlarını bəyənə və şərh edə, həmçinin, şəxsi mesajlar göndərə, digər akkauntlara abunə ola və bir çox maraqlı funksiyalardan istifadə edə bilərlər.

Artıq "RuStore"dan tətbiq 30 min dəfədən çox yüklənib və 5 baldan 3,1 səviyyədə qiymətləndirilib. "Rossgram"da 831 mindən çox unikal istifadəçi qeydiyyatdan keçib, 926 nəfər isə premium hesab əldə edib. Əgər Android cihazınız varsa, "Rossgram"ı şirkətin rəsmi saytından APK faylı kimi yükləyə bilərsiniz, çünki proqram hələ də "Google" tərəfindən yoxlanılmaqdadır.

Fərid