İçməli suyun dadı dünyanın müxtəlif bölgələrində fərqli ola bilər və bu fərq çox vaxt insanların diqqətini çəkir. Mütəxəssislər bildirirlər ki, bu dəyişiklik yalnız suyun mənbəyi ilə deyil, onun kimyəvi tərkibi ilə bağlıdır.

Foodinfo.az xarici mənbələrə istinadla xəbər verir ki, suyun tərkibindəki minerallar onun dadını müəyyən edən əsas amillərdən biridir. Kalsium, maqnezium, natrium və kalium kimi mineralların miqdarı artdıqca suyun dadı daha “sərt” və ya fərqli hiss edilə bilər.

Bəzi bölgələrdə yeraltı sular mineral baxımından zəngin olur və bu da suya xüsusi dad verir. Digər yerlərdə isə su daha yumşaq olur və demək olar ki, dadsız hiss olunur.

Mütəxəssislər əlavə edirlər ki, suyun təmizlənmə üsulları, boru sistemləri və saxlanma şəraiti də onun dadına təsir göstərir. Xlorlama və digər dezinfeksiya üsulları da dad fərqlərinin yaranmasına səbəb ola bilər.

İnsan orqanizmi isə adətən yaşadığı bölgənin suyuna uyğunlaşır və başqa bölgənin suyunu içərkən fərqli dad hiss edə bilər.