Omega-3 və Omega-6 yağ turşuları orqanizm üçün vacib hesab olunan faydalı yağlardandır. Bu maddələr bədən tərəfindən istehsal olunmadığı üçün qidalar vasitəsilə qəbul edilməlidir.
Foodinfo.az xəbər verir ki, Omega-3 xüsusilə balıq, qoz, kətan toxumu, bəzi bitki yağlarında olur.
Omega-6 isə əsasən, günəbaxan yağı, qarğıdalı yağı, çərəzlər və toxumlarda rast gəlinir.
Omega-3 yağ turşularının ürək və damar sağlamlığı üçün faydalı olduğu bildirilir. Bu maddələrin beyin fəaliyyətini və yaddaşı dəstəkləməyə kömək edə biləcəyi də qeyd olunur.
Omega-6 da orqanizm üçün vacib hesab edilir və hüceyrələrin normal fəaliyyətində rol oynayır. Lakin qidalanmada bu iki yağ turşusunun balanslı şəkildə qəbul edilməsi mühüm sayılır.
Balanssız qidalanma zamanı omega-6-nın həddindən artıq, omega-3-ün isə az qəbul edilməsi bəzi sağlamlıq problemləri riskini artırır.
Balıq, tərəvəz, çərəz və faydalı yağlarla zəngin qidalanma həm omega-3, həm də omega-6 ehtiyacının qarşılanmasına kömək edir.
Sağlam və balanslı qidalanma orqanizmin düzgün fəaliyyəti üçün vacib rol oynayır.
