Dünya payıza doğru ciddi istehlak malları qıtlığı ilə toqquşa bilər.
Foodinfo.az xəbər verir ki, bunu dünya maliyyə məsələləri üzrə dosent, ekspert Lazar Badalov bildirib.
"Avropada, dünyada enerji resurslarının qiyməti kəskin bahalaşandan sonra taxıl məhsullarının defisiti ilə payıza doğru dünya, xüsusən Avropa, Şərqi Asiya ciddi böhranla üz-üzə gələcək.
Avropanın sanksiyalarının təsiri indi bilinmir, çünki dövlətlərin 1 illik ehtiyatı var. Avropa Rusiya qazından, neftindən imtina edərsə, Avropa, Afrika və Şərqi Asiya ölkələri ciddi defisitlə mübarizə aparmalı olacaq.
İndi çox siyasətçilər ölkələrindəki iqtisadi problemləri Ukraynadakı vəziyyətlə əlaqələndirir, lakin bunun birbaşa Rusiyaya sanksiyalardan qaynaqlandığını etiraf etmək istəmirlər.
Bunu etiraf etməsələr də anlayırlar. Hazırda ən böyük zərbə neft-qaz sektoruna düşüb, qiymətlər bir azdan tarixi rekord nöqtəyə çatacaq.
Qeyd edim ki, hələ neft və qazın dünya bazarına çıxarılmasında azalma yoxdur. OPEC belə bir qərar versə, enerji resursları bahalaşacaq, bu da qida sənayesini çıxıılmaz dalana salacaq.
Əsl böhran payızda hiss olunacaq. Afrika və Asiyanın yoxsul ölkələri üçün ölüm-dirim savaşı olacaq" - deyə Badalov deyib.
Yunanıstan, İtaliya, İspaniya, kiçik Avropa dövlətləri, Polşa, Sloveniya yüksək miqdarda borclanacaq. Afrikanı payızdan qışa doğru dəhşətli aclıq gözləyir. Bu ac, yoxsul insanların Avropaya miqrasiyasına səbəb olacaq.
