Həddindən artıq tərləmə bədənin normaldan daha çox tər ifraz etdiyi bir vəziyyətdir. İsti havalarda, idman zamanı və ya stresli vəziyyətlərdə tərləmənin artması normal hesab olunur. Ancaq bəzi hallarda belə tərləmə daimidirsə və müəyyən bir səbəbdən qaynaqlanırsa, bu, artıq sağlamlıq problemindən xəbər verir.

Foodinfo.az-ın məlumatına görə, həddindən artıq tərləmə adətən hiperhidroz adlı bir vəziyyətlə əlaqələndirilir. Hiperhidroz bədəndə tər vəzilərinin qədərindən artıq işləməsi nəticəsində yaranan və ümumiyyətlə müəyyən nahiyələrdə artıq tərləmə ilə xarakterizə olunan bir vəziyyətdir. Bu vəziyyət adətən əllər, ayaqlar, qoltuqaltılar və üz kimi nahiyələrdə daha çox nəzərə çarpır. 

Qalxanabənzər vəzinin həddindən artıq aktivliyi, menopoz, hipoqlikemiya (qan şəkərinin aşağı olması), piylənmə və bəzi dərmanların yan təsirləri kimi vəziyyətlər də həddindən artıq tərləmənin səbəb ola biləcəyi sağlamlıq problemləri arasında ola bilər.

Gecə tərləmələri qadınlarda menopoz zamanı tez-tez görülsə də, müxtəlif infeksiyalar, hormon pozğunluqları və xərçəng kimi ciddi sağlamlıq problemlərinin əlaməti də ola bilər.

Əgər belə hallar sizdə də baş verirsə, həkimə müraciət etmək vacibdir. Müayinə və lazımi analizlər nəticəsində həkiminiz həddindən artıq tərləmənin səbəbini təyin edəcək və uyğun müalicə üsullarını tövsiyə edəcək. 

Həddindən artıq tərləmə diqqətdən kənarda qalmamalı bir vəziyyətdir, çünki bu, əsas sağlamlıq probleminin əlaməti ola bilər.