Qrip və kəskin respirator virus infeksiyaları mövsümü başlayanda həkimlər xüsusilə ürək-damar xəstəlikləri olan şəxslərə vaksinasiyanı tövsiyə edir. Foodinfo.az “Aif.ru” saytına istinadla xəbər verir ki, professor, NMIÇ Çazov adına Kardiologiya Mərkəzinin elmi-analitik və profilaktik kardiologiya üzrə direktor müavini Nana Pqosova bu risk qrupunun qrip və digər respirator infeksiyalardan ciddi zərər görə biləcəyini açıqlayıb.
Ekspert bildirib ki, qrip arterial təzyiqin tənzimlənməsini pozaraq mövcud ürək-damar xəstəliyini ağırlaşdıra bilər. Virus infeksiyaları orqanizmdə sistemli iltihaba səbəb olur, nəticədə damarlar zədələnir və aterosklerotik lövhələr meydana çıxaraq gələcəkdə miokard infarktına yol aça bilər.
Həmçinin qrip və kəskin respirator infeksiyalar miokardit və ürək ritminin pozulması riskini artırır. Pqosova vurğulayıb ki, bu xəstələr üçün ən effektiv qoruyucu tədbir hər il qrip əleyhinə vaksinasiyadır.
Mütəxəssis xatırladıb ki, xüsusilə yaşlı xəstələr və ürək-damar xəstəliyi təsdiqlənmiş şəxslər üçün illik qrip peyvəndi həyati əhəmiyyət daşıyır və ağırlaşmaların qarşısını almaq üçün vacibdir.
