Nevroloji bayılma (sinir sisteminə bağlı bayılma) beyin fəaliyyətində müvəqqəti pozğunluq nəticəsində şüurun qısa müddətlik itirilməsi vəziyyətidir.

Foodinfo.az xəbər verir ki, bu tip bayılma adətən epilepsiya, migren, beyin şişi və ya sinir sisteminin digər pozğunluqları ilə əlaqəli olur. 

Nevroloji bayılma zamanı beyin hüceyrələrində elektrik impulslarının qeyri-normal şəkildə yayılması nəticəsində insan ani olaraq huşunu itirir. 

Bu hal qısa müddətli olsa da, bayılma sonrası başgicəllənmə, zəiflik və yaddaşda qarışıqlıq kimi əlamətlər görünə bilər. 

Nevroloji bayılma ciddi sinir sistemi problemlərinin göstəricisi ola biləcəyi üçün dərhal həkimə müraciət etmək vacibdir.