"Samsung" şirkəti özünün "SimplyChat" adlı çat-botu üzərində aktiv şəkildə çalışır.

 Foodinfo.az xəbər verir ki, yeniliyin təqdimatı artıq sentyabrın 12-də keçiriləcək "Real Summit 2023"də gözlənilir.

"SimplyChat" məşhur "ChatGPT" çat-botuna bənzər şəkildə işləyəcək və onun əsas funksiyalarını özündə cəm edəcək. Eyni zamanda, "Samsung" bu məhsulu aparat həllərinə inteqrasiya edərək inkişaf etdirməyi planlaşdırır.

Geniş ictimaiyyətə təqdim edildikdən sonra şirkət süni intellekt serverlərini sifariş etməyə başlayacaq, ən böyük sifarişlər isə "Quanta" və "Wistron"dan gələcək.

Qeyd etmək lazımdır ki, yaxın gələcəkdə bazarda daxili süni intellekt imkanlarına malik qabaqcıl "çip üzərində sistemlər" (SoC) peyda olacaq. Bu kontekstdə generativ süni intellekt tətbiqləri və xidmətlərinin hazırlanması sənayenin əsas oyunçuları üçün strateji əhəmiyyətli sahəyə çevrilir.