Keçi südü inək südü ilə demək olar ki, eyni tərkibə malikdir, lakin hələ də fərq var. Foodinfo.az Edimdoma.ru-ya istinadən xəbər verir ki, bu barədə Health nəşrinin ekspertləri danışıb.

Hər iki süd növü yağ, zülal və D vitamini ilə zəngindir, lakin keçi südü probiyotiklərlə zəngin olduğu üçün həzm üçün daha yaxşıdır. Bundan əlavə, orqanizmin keçi südündən yağları mənimsəməsi daha asan olur.

“Keçi südünün tərkibində daha çox qısa və orta zəncirli yağ turşuları var. Onlar inək südündəki uzun zəncirli yağ turşularından daha sürətli və asan sorulur. Bundan əlavə, keçi südünün tərkibində daha kiçik yağ kürəcikləri də var ki, bu da onun həzmini daha da artırır”, - nəşrdə qeyd olunur.

Mütəxəssislər deyir ki, keçi südü öd daşı, kistik fibroz, ürək-damar xəstəlikləri və yüksək xolesterol üçün faydalıdır. Bundan əlavə, bu içkinin bir stəkanında gündəlik kalsium və fosfor ehtiyacının dörddə biri var.