Fol turşusu (B9 vitamini və ya folat) bədən üçün həyati əhəmiyyətə malik olan bir vitamindir və hüceyrə bölünməsi, DNT sintezi, qırmızı qan hüceyrələrinin istehsalı üçün vacibdir. 

Foodinfo.az xəbər verir ki, xüsusilə hamilə qadınlar üçün əhəmiyyətlidir, çünki dölün beyin və onurğa beyni inkişafını dəstəkləyir və sinir borusu qüsurlarının yaranma riskini azaldır. 

Bu vitamin təbii olaraq yaşıl yarpaqlı tərəvəzlər, sitrus meyvələri, paxlalılar və qoz-fındıq kimi qidalarda mövcuddur. Bəzi hallarda isə əlavə olaraq qəbul edilə bilər. 

Gündəlik tələb olunan miqdarı qarşılamaq üçün balanslı qidalanma mühüm rol oynayır, çünki fol turşusu çatışmazlığı qanazlığı, yorğunluq və yaddaş problemlərinə səbəb ola bilər.