"Liminal Work Shop" şirkəti 54 nəhəng klaviatura düyməsindən hazırlanmış qeyriadi, unikal "İT gödəkçəsi"ni təqdim edib.
Foodinfo.az xəbər verir ki, gödəkçə qara və boz rəngdə suya davamlı neylondan hazırlanıb.
Onun xarici səthi davamlı material sayəsində zərbələri "yumşaltmaq" və tədricən bərpa olunmaq qabiliyyətinə malik olan, həcmli, içi boş düymələrlə bəzədilib.
Bəzi düymələr gödəkçənin cibidir. Geyimin önünü açmaq üçün diyes (#) işarəsini aşağı çəkmək lazımdır.
Gödəkçə sifariş edərkən düymələrin üzərindəki yazıları öz zövqünüzə uyğun seçə bilərsiniz.
"Liminal Work Shop" bu gödəkçəni gündəlik geyimdən daha çox sənət əsəri adlandırır.
Belə bir dizayn ideyasının qiyməti onun unikallığına uyğundur və 495 funt sterlinq (təxminən 1100 manat) təşkil edir.
Fərid
