WhatsApp-da istifadəçilərə öz animasiya stikerlərini yaratmağa imkan verən yeni funksiya var.
Foodinfo.az xəbər verir ki, hələlik o, yalnız Android tətbiqinin 2.23.15.6 versiyasının beta versiyasında mövcuddur.
WhatsApp-da animasiya avatarının yaradılması prosesi xeyli asanlaşıb. İndi sadəcə şəkil çəkdirmək lazımdır və proqram foto əsasında istifadəçinin rəqəmsal surətini yaradacaq.
WhatsApp avtomatik olaraq yaratdığınız avatar əsasında animasiyalı stikerlər kolleksiyası yaradacaq. Kolleksiyaya müxtəlif animasiya elementləri daxil olacaq. Yeni funksiyanın messencerdə ünsiyyəti daha da maraqlı edəcəyi gözlənilir.
Yeniliyin bütün istifadəçilər üçün nə vaxt əlçatan olacağı hələlik məlum deyil. Bununla belə, onun növbəti proqram yeniləməsinə daxil ediləcəyi gözlənilir. Keçmiş yeniləmələrin təcrübəsinə əsasən, bu, yaxın həftələrdə baş verəcək.

Fərid