23 yanvar 2019-cu il tarixdə Bakı şəhərində Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının və Beynəlxalq Əmək Təşkilatının birgə təşkilatçılığı ilə “Gənclərin məşğulluğu: işəgötürənlərin baxışı, çağırışlar və perspektivlər” mövzusunda konfrans keçirilib.
Konfransı giriş sözü ilə açan Azərbaycan Sahibkarlar Konfederasiyasının prezidenti Məmməd Musayev qeyd etdi ki, Əsası Ulu Öndər Heydər Əliyev tərəfindən qoyulmuş sosial-iqtisadi inkişaf strategiyasının ölkə Prezidenti cənab İlham Əliyev tərəfindən uğurla davam etdirilməsi nəticəsində ölkəmizin iqtisadi qüdrəti günbəgün yüksəlir. Aparılan uğurlu sosial-iqtisadi siyasət nəticəsində ölkəmiz son illər sürətli inkişafa nail olmuş, xalqımızın rifah halı yaxşılaşmış, dövlətimizin dünyada nüfuzu artmışdır. Aparılan islahatlar dünyanın aparıcı iqtisadi mərkəzləri tərəfindən də yüksək qiymətləndirilib.
Uğurlu sosial-iqtisadi siyasət nəticəsində yoxsulluğun və işsizliyin səviyyəsi 5 faiz həddinə düşmüş, ölkəmizdə əsaslı surətdə infrastruktur layihələri həyata keçirilmiş, biznes mühitin əlverişliyinin artırılması istiqamətində davamlı islahatlar həyata keçirilməkdədir. Hazırkı mərhələdə qarşıda duran başlıca məqsədlərdən biri milli iqtisadiyyatın rəqabət qabiliyyətliyinin yüksəldilməsi və dünya iqtisadi sisteminə səmərəli inteqrasiyasına nail olmaqla ölkəmizin dinamik sosial-iqtisadi inkişafının davamlılığını təmin etməkdir.
Azərbaycan Sahibkarlar Konfederasiyasının əsas məqsədi öz üzvlərinin mövcud potensialından istifadə edərək dövlət-özəl sektor əməkdaşlığı mexanizmləri vasitəsi ilə respublikamızda daha əlverişli biznes mühitin yaradılması prosesində və dayanıqlı inkişafın təmin olunmasında yaxından iştirak etməkdir.
Hər bir dövlətin makroiqtisadi siyasətinin əsas məqsədlərindən biri əməkqabiliyyətli əhalinin məşğulluğunu yüksək səviyyədə təmin etməkdən ibarətdir. Məşğulluq siyasəti, xüsusilə gənclərin məşğulluğu dövlətin sosial-iqtisadi siyasətinin əsas istiqamətlərindən biridir.
M.Musayev cıxışının sonunda iştirakçıların nəzərinə çatdırdı ki, bu gün ölkələrin zənginliyi onların insan ehtiyatlarının səviyyəsi ilə müəyyən olunur. Məhz bu səbəbdən də respublikamızda gənclərin məşğulluğunun təmin edilməsi, onların peşəkar səviyyədə bilik və bacarıqlarının artırılması, ölkədə daha güclü kadr potensialının yaradılması, gənc sahibkarlar üçün əlverişli biznes mühitinin formalaşdırılması kimi mövzulara toxunan bu kimi tədbirlərin keçirilməsi mühüm əhəmiyyətə malikdir.
Daha sonra çıxış edən Əmək və Əhalinin Sosial Müdafiəsi nazirinin müavini Mətin Kərimli konfransın mövzusunun əhəmiyyətinə toxunaraq, Azərbaycan dövlətinin bu sahədə həyata keçirdiyi tədbirlər barədə məlumat verdi. Nazir müavini qeyd etdi ki, aparılan uğurlu sosial iqtisadi siyasət nəticəsində Azərbaycan məşğulluq sahəsində göstəricilərinə görə dünyada ən yaxşı mövqelərdən birinə malikdir. O, bildirdi ki, hazırda həyata keçirilən özünəməşğulluq layihəsi vətəndaşlarımızı daha çox iş yerləri ilə təmin edilməsinə imkan verir.
Azərbaycan Həmkarlar İttifaqları Konfederasiyasının sədri Səttar Mehbalıyev çıxış edərək, Azərbaycan Həmkarlar İttifaqları Konfederasiyası ilə Azərbaycan Sahibkarlar Konfederasiyası arasında həyata keçirilən uğurlu əməkdaşlıqdan danışdı və sahibkarlıq subyektlərində işçilər üçün əlverişli və təhlükəsiz əmək şəraitin yaradılmasının əhəmiyyətini, sosial məsuliyyətin vacibliyini, gənc sahibkarların sosial məsələlərin həllində rolunu vurğuladı.
Təhsil nazirinin müavini İdris İsayev çıxış edərək, gənclərin məşğulluğunun keyfiyyətli təhsillə birbaşa əlaqədar olduğunu qeyd edərək, Təhsil Nazirliyi tərəfindən aparılan islahatlar barədə məlumat verdi. Bu gün peşə təhsili sistemində ciddi islahatların aparıldığını deyən İ.İsayev bildirdi ki, təhsilin məzmunun işə götürönlərin tələblərinə uyğunlaşdırılması, bu sahəyə investisiyaların cəlbi üçün tədbirlər həyata keçirilir. Qeyd edib ki, həyata keçirilən tədbirlər nəticəsində məzunlar əmək bazarında iş yerlərini tutmağa başlayıblar. Ötən il 20 yeni ixtisas peşə təsnifatına daxil edilib. Turizm sahəsi üzrə məzunların 62,3 faizi, informasiya texnologiyaları üzrə 73 faizi, xidmət sahəsi üzrə 69 faizi işlə təmin olunub.
Daha sonra Milli Məclisin Gənclər və idman komitəsinin sədri, millət vəkili Ülvi Quliyev, Dövlət İqtisad Universitetinin rektoru Ədalət Muradov, Odlar Yurdu Universitetinin rektoru Əhməd Vəliyev, Birləşmiş Millətlər Təşkilatının Azərbaycandakı rezident əlaqələndiricisi Qulam İshaqzai çıxış edərək dünyada gənclərin məşğulluğu sahəsində möcud olan problemlər və gələcək perspektivlər, habelə gənclər arasında sahibkarlığın inkişafı ilə bağlı fikirlərini bildirdilər.
Çıxışlardan sonra Beynəlxalq Əmək Təşkilatının Şərqi Avropa və Mərkəzi Asiya ölkə ofisinin rəhbəri Olqa Kulayeva Beynəlxalq Əmək Təşkilatının (BƏT) baş direktoru Qay Rayderin konfrans iştirakçılarına ünvanlanmış müraciətini oxuyub. Müraciətdə qlobal əmək bazarında olan çağırışları qeyd edən Qay Rayder bu sahədə əlverişli şəraitin yaradılmasının və əmək bazarının müasir dünyanın tələblərinə uyğunlaşdırmasının vacibliyini vurğulayıb.
Olga Kulayeva bildirib ki, Beynəlxalq Əmək Təşkilatı (BƏT) Azərbaycanda gənclərin məşğulluğu siyasətinin aktiv əmək bazarı proqramları əsasında inkişafını dəstəkləyir. Xanım Kulayeva qeyd edib ki, gənclərin məşğulluğu və təhsilinə uyğun işlə təmin olunması təkcə Azərbaycan deyil bütün dünyada aktual məsələdir. Əlavə edib ki, Azərbaycanda sosial-iqtisadi inkişafın təmin olunması sahəsində aparılan siyasət BMT-nin 2030-cu ilədək dövrü əhatə edən Dayanıqlı İnkişaf Məqsədləri ilə uyğundur. Daha sonra Beynəlxalq Əmək Təşkilatının Şərqi Avropa və Mərkəzi Asiya ölkə ofisinin əməkdaşı Mixail Puşkin “Əməyin gələcəyi” mövzusunda Qlobal hesabatı təqdim edib.
Konfrans təşkilatçıları, tədbirin təşkilində eləcə də bütövlükdə ölkəmizdəki əmək münasibətlərinin tənzimlənməsi və məşğulluq siyasətinin formalaşmasına göstərdikləri dəstəyə görə Beynəlxalq Əmək Təşkilatına təşəkkürlərini bildirdilər.
Konfransın əsas hissəsi başa çatdıqdan sonra tədbir “Əmək bazarının tələbləri, təhsil, təlim və bacarıqların inkişafı”, “Gənclər arasında sahibkarlğın inkişafı”, “Əlverişli qanunvericilik və əmək münasibətləri” mövzularında panel sessiyaları ilə davam etdirildi.
Qeyd olunan panel sessiyalarındakı müzakirələrdə Azərbaycan Sahibkarlar Konfederasiyasının, Əmək və Əhalinin Sosial Müdafiəsi nazirliyinin, Həmkarlar İttifaqları Konfederasiyasının, Təhsil nazirliyinin, Peşə təhsili üzrə dövlət agentliyinin, Beynəlxalq Əmək Təşkilatının, Gənclər və İdman nazirliyinin və digər dövlət orqanlarının, habelə özəl şirkətlərin nümayəndələri iştirak ediblər.
23 yanvar 2019-cu il tarixdə Bakı şəhərində Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının və Beynəlxalq Əmək Təşkilatının birgə təşkilatçılığı ilə “Gənclərin məşğulluğu: işəgötürənlərin baxışı, çağırışlar və perspektivlər” mövzusunda konfrans keçirilib.
Konfransı giriş sözü ilə açan Azərbaycan Sahibkarlar Konfederasiyasının prezidenti Məmməd Musayev qeyd etdi ki, Əsası Ulu Öndər Heydər Əliyev tərəfindən qoyulmuş sosial-iqtisadi inkişaf strategiyasının ölkə Prezidenti cənab İlham Əliyev tərəfindən uğurla davam etdirilməsi nəticəsində ölkəmizin iqtisadi qüdrəti günbəgün yüksəlir. Aparılan uğurlu sosial-iqtisadi siyasət nəticəsində ölkəmiz son illər sürətli inkişafa nail olmuş, xalqımızın rifah halı yaxşılaşmış, dövlətimizin dünyada nüfuzu artmışdır. Aparılan islahatlar dünyanın aparıcı iqtisadi mərkəzləri tərəfindən də yüksək qiymətləndirilib.
Uğurlu sosial-iqtisadi siyasət nəticəsində yoxsulluğun və işsizliyin səviyyəsi 5 faiz həddinə düşmüş, ölkəmizdə əsaslı surətdə infrastruktur layihələri həyata keçirilmiş, biznes mühitin əlverişliyinin artırılması istiqamətində davamlı islahatlar həyata keçirilməkdədir. Hazırkı mərhələdə qarşıda duran başlıca məqsədlərdən biri milli iqtisadiyyatın rəqabət qabiliyyətliyinin yüksəldilməsi və dünya iqtisadi sisteminə səmərəli inteqrasiyasına nail olmaqla ölkəmizin dinamik sosial-iqtisadi inkişafının davamlılığını təmin etməkdir.
Azərbaycan Sahibkarlar Konfederasiyasının əsas məqsədi öz üzvlərinin mövcud potensialından istifadə edərək dövlət-özəl sektor əməkdaşlığı mexanizmləri vasitəsi ilə respublikamızda daha əlverişli biznes mühitin yaradılması prosesində və dayanıqlı inkişafın təmin olunmasında yaxından iştirak etməkdir.
Hər bir dövlətin makroiqtisadi siyasətinin əsas məqsədlərindən biri əməkqabiliyyətli əhalinin məşğulluğunu yüksək səviyyədə təmin etməkdən ibarətdir. Məşğulluq siyasəti, xüsusilə gənclərin məşğulluğu dövlətin sosial-iqtisadi siyasətinin əsas istiqamətlərindən biridir.
M.Musayev cıxışının sonunda iştirakçıların nəzərinə çatdırdı ki, bu gün ölkələrin zənginliyi onların insan ehtiyatlarının səviyyəsi ilə müəyyən olunur. Məhz bu səbəbdən də respublikamızda gənclərin məşğulluğunun təmin edilməsi, onların peşəkar səviyyədə bilik və bacarıqlarının artırılması, ölkədə daha güclü kadr potensialının yaradılması, gənc sahibkarlar üçün əlverişli biznes mühitinin formalaşdırılması kimi mövzulara toxunan bu kimi tədbirlərin keçirilməsi mühüm əhəmiyyətə malikdir.
Daha sonra çıxış edən Əmək və Əhalinin Sosial Müdafiəsi nazirinin müavini Mətin Kərimli konfransın mövzusunun əhəmiyyətinə toxunaraq, Azərbaycan dövlətinin bu sahədə həyata keçirdiyi tədbirlər barədə məlumat verdi. Nazir müavini qeyd etdi ki, aparılan uğurlu sosial iqtisadi siyasət nəticəsində Azərbaycan məşğulluq sahəsində göstəricilərinə görə dünyada ən yaxşı mövqelərdən birinə malikdir. O, bildirdi ki, hazırda həyata keçirilən özünəməşğulluq layihəsi vətəndaşlarımızı daha çox iş yerləri ilə təmin edilməsinə imkan verir.
Azərbaycan Həmkarlar İttifaqları Konfederasiyasının sədri Səttar Mehbalıyev çıxış edərək, Azərbaycan Həmkarlar İttifaqları Konfederasiyası ilə Azərbaycan Sahibkarlar Konfederasiyası arasında həyata keçirilən uğurlu əməkdaşlıqdan danışdı və sahibkarlıq subyektlərində işçilər üçün əlverişli və təhlükəsiz əmək şəraitin yaradılmasının əhəmiyyətini, sosial məsuliyyətin vacibliyini, gənc sahibkarların sosial məsələlərin həllində rolunu vurğuladı.
Təhsil nazirinin müavini İdris İsayev çıxış edərək, gənclərin məşğulluğunun keyfiyyətli təhsillə birbaşa əlaqədar olduğunu qeyd edərək, Təhsil Nazirliyi tərəfindən aparılan islahatlar barədə məlumat verdi. Bu gün peşə təhsili sistemində ciddi islahatların aparıldığını deyən İ.İsayev bildirdi ki, təhsilin məzmunun işə götürönlərin tələblərinə uyğunlaşdırılması, bu sahəyə investisiyaların cəlbi üçün tədbirlər həyata keçirilir. Qeyd edib ki, həyata keçirilən tədbirlər nəticəsində məzunlar əmək bazarında iş yerlərini tutmağa başlayıblar. Ötən il 20 yeni ixtisas peşə təsnifatına daxil edilib. Turizm sahəsi üzrə məzunların 62,3 faizi, informasiya texnologiyaları üzrə 73 faizi, xidmət sahəsi üzrə 69 faizi işlə təmin olunub.
Daha sonra Milli Məclisin Gənclər və idman komitəsinin sədri, millət vəkili Ülvi Quliyev, Dövlət İqtisad Universitetinin rektoru Ədalət Muradov, Odlar Yurdu Universitetinin rektoru Əhməd Vəliyev, Birləşmiş Millətlər Təşkilatının Azərbaycandakı rezident əlaqələndiricisi Qulam İshaqzai çıxış edərək dünyada gənclərin məşğulluğu sahəsində möcud olan problemlər və gələcək perspektivlər, habelə gənclər arasında sahibkarlığın inkişafı ilə bağlı fikirlərini bildirdilər.
Çıxışlardan sonra Beynəlxalq Əmək Təşkilatının Şərqi Avropa və Mərkəzi Asiya ölkə ofisinin rəhbəri Olqa Kulayeva Beynəlxalq Əmək Təşkilatının (BƏT) baş direktoru Qay Rayderin konfrans iştirakçılarına ünvanlanmış müraciətini oxuyub. Müraciətdə qlobal əmək bazarında olan çağırışları qeyd edən Qay Rayder bu sahədə əlverişli şəraitin yaradılmasının və əmək bazarının müasir dünyanın tələblərinə uyğunlaşdırmasının vacibliyini vurğulayıb.
Olga Kulayeva bildirib ki, Beynəlxalq Əmək Təşkilatı (BƏT) Azərbaycanda gənclərin məşğulluğu siyasətinin aktiv əmək bazarı proqramları əsasında inkişafını dəstəkləyir. Xanım Kulayeva qeyd edib ki, gənclərin məşğulluğu və təhsilinə uyğun işlə təmin olunması təkcə Azərbaycan deyil bütün dünyada aktual məsələdir. Əlavə edib ki, Azərbaycanda sosial-iqtisadi inkişafın təmin olunması sahəsində aparılan siyasət BMT-nin 2030-cu ilədək dövrü əhatə edən Dayanıqlı İnkişaf Məqsədləri ilə uyğundur. Daha sonra Beynəlxalq Əmək Təşkilatının Şərqi Avropa və Mərkəzi Asiya ölkə ofisinin əməkdaşı Mixail Puşkin “Əməyin gələcəyi” mövzusunda Qlobal hesabatı təqdim edib.
Konfrans təşkilatçıları, tədbirin təşkilində eləcə də bütövlükdə ölkəmizdəki əmək münasibətlərinin tənzimlənməsi və məşğulluq siyasətinin formalaşmasına göstərdikləri dəstəyə görə Beynəlxalq Əmək Təşkilatına təşəkkürlərini bildirdilər.
Konfransın əsas hissəsi başa çatdıqdan sonra tədbir “Əmək bazarının tələbləri, təhsil, təlim və bacarıqların inkişafı”, “Gənclər arasında sahibkarlğın inkişafı”, “Əlverişli qanunvericilik və əmək münasibətləri” mövzularında panel sessiyaları ilə davam etdirildi.
Qeyd olunan panel sessiyalarındakı müzakirələrdə Azərbaycan Sahibkarlar Konfederasiyasının, Əmək və Əhalinin Sosial Müdafiəsi nazirliyinin, Həmkarlar İttifaqları Konfederasiyasının, Təhsil nazirliyinin, Peşə təhsili üzrə dövlət agentliyinin, Beynəlxalq Əmək Təşkilatının, Gənclər və İdman nazirliyinin və digər dövlət orqanlarının, habelə özəl şirkətlərin nümayəndələri iştirak ediblər.
