“Tibb” ASC-nin qastroenteroloqu (Akademik Roitberqin klinikası), tibb elmləri namizədi Yevgeni Belousov şorbaların faydalarından danışıb.

Qastroenteroloq Belousov şorbaların faydalarından danışıb

Foodinfo.az xəbər verir ki, ekspert Life.ru saytına müsahibəsində deyib ki, sümük bulyonu ilə hazırlanan tərəvəz, zəngin ət və göbələk şorbaları daha yaxşı sorulur, həzmi aktivləşdirir və orqanizmə fayda verir.

Mütəxəssisin sözlərinə görə, bəzi tədqiqatçılar şorbanı mineral su ilə əvəz etməyi təklif edirlər. Bu seçim çəkisini izləyənlər üçün aktualdır.

"Mineral su həqiqətən bədəni lazımi maddələrlə təmin edə və nəmləndirməyə kömək edə bilər, lakin yenə də şorbanın tərkibindəki qidaları əvəz etməyəcək" qastroenteroloq əlavə edib.