50 yaşdan sonra Aralıq dənizi dietasına əməl edən insanlar digər yaşıdlarına nisbətən daha çox yaşayır.
Foodinfo.az xəbər verir ki, İspaniya, İtaliya alimləri 20 il ərzində 643 yerli sakin üzərində müşahidə aparıb.
Tədqiqat başlayanda iştirakçıların 60 yaşı var idi.
Alimlər onların qan və sidiyindən analizlər aparıblar.
Belə ki, analizlərdə polifenolların, resveratrolun, karotonoidlərin, selen, vitamin B12, Omeqa 3 və s. yoxlanılıb.
Bu məlumatlar əsasında insanın qidalanmasının göstəricilərə təsiri araşdırılıb.
Məlum olub ki, Aralıq dənizi dietasında olduğu kimi hər gün qoz, zeytun yağlı, tərəvəz, kahı, göyərti və balıqdan ibarət qidalar yeyənlərdə ürək-damar xəstəlikləri və bundan ölüm daha az olub. Bu qidalanmaya əməl edənlər 80-85 yaşına kimi ömür sürüb.
Amma Aralıq dənizi dietası onkoloji xəstəliklərdən qorumur.
